 |
Boyd Robasdan (Neach-gairm), Leughadair ann an Gàidhlig agus Iar-cheannard Roinn an Eòlais Churraicealaim,
Oilthigh Shrath Chluaidh. Tha ùidhean rannsachaidh aige
ann an Gàidhlig ann am foghlam, agus ann an leasachadh
agus buaidh foghlam tro mheadhan na Gàidhlig. Tha ùidh
aige ann an dealbhadh cànain, agus tha e cuideachd an
sàs ann am faclaireachd na Gàidhlig; cho-dheasaich e faclair
Gàidhlig ùr airson a dhol còmhla
ris an cùrsa Teach Yourself Gaelic (2003). Tha e ag obair air co-chruinneachadh
de ghnàthasan-cainnte na Gàidhlig. |
 |
Thomas Owen Clancy (Iar-Neach-gairm), Ollamh na Ceiltis aig Oilthigh
Ghlaschu. Tha ùidhean rannsachaidh aig an Ollamh Clancy
ann an leasachadh Crìosdaidheachd agus bàrdachd
na tràth-Meadhan Aoisean ann an Alba; ann an sgeulachdan
Gàidhlig Meadhan Aoiseach, gu h-àraidh litreachas
Crìosdaidh; ann an ainmean-àite agus coisrigidhean
nan naomh ann an Alba; ann an sgeulachdan Cuimris Meadhan Aoiseach;
agus anns na Breatannaich bho thuath. |
 |
Tormod MacGilIiosa, Stiùiriche Sabhal
Mòr Ostaig OGE. Tha pàirt chudromach air a bhith
aig an Ollamh MacGilIiosa ann an leasachadh Sabhal
Mòr Ostaig gu bhith na ionad
a tha aithnichte air feadh an t-saoghail airson ionnsachadh na
Gàidhlig. Cuideachd,
tha pàirt mhòr air a bhith aige ann an stèidheachadh
Stèidheachd Mìle-bliadhna
Oilthigh na Gàidhealtachd, agus tha e an sàs an-dràsta
ann an Cànan Earr, Ùghdarras Trèanadh Telebhisean
na Gàidhlig, Ionad Chaluim Chille Ìle agus Ionad
Rannsachaidh Lèirsinn. |
 |
Susan Manning, Stiùiriche na Stèidheachd
airson Àrd
Sgrùdaidhean anns na h-Ealain agus Ollamh Grierson ann
an Litreachas na Beurla aig Oilthigh Dhùn Èideann.
Tha ùidhean rannsachaidh aice ann an Soillseachadh na
h-Alba agus ann an dàimhean litreachais eadar Alba agus
na Stàitean Aonaichte. Bha i na Ceannard air Comann Eòlas
na h-Alba anns an Ochdamh Linn Deug agus tha i a-nis air a' Bhòrd.
An-dràsta tha i ag obair air sreath ùr Edinburgh
University Press air "Litreachasan
Thar a' Chuain Siar", rannsachadh cudromach air Caractar,
agus leasachadh dòighean-rannsachaidh eadar-roinneil. |
 |
Colm Ó Baoill, Ollamh Emeritus na Ceiltis, Oilthigh
Obar Dheathain. Tha ùidhean rannsachaidh aige ann an cànan
is cultar Gàidhlig na h-Alba agus na h-Èireann,
a' gabhail a-steach bàrdachd Gàidhlig na h-Alba
eadar 1600 agus 1730, bàrdachd Gàidhlig na h-Èireann
eadar an 17mh agus an 19mh linn, làmh-sgrìobhainn
Gàidhlig na h-Alba, eadar-aghaidh Albais-Gàidhlig,
agus rannsachadh coimeasach air Gàidhlig na h-Alba agus
na h-Èireann. |
 |
An t-Ollamh Uilleam MacGilI' Ìosa,
Ollamh na Ceiltis aig Oilthigh Dhùn Èideann. Tha
tòrr ùidhean
rannsachaidh aige, a' gabhail a-steach Gàidhlig nam Meadhan
Aoisean, Leabhar Deadhan Lios Mòir, agus Leabhraichean
Clann Raghnaill air a bheil e ag obair an-dràsta. Tha ùidh
aige cuideachd ann an dualchainntean na Gàidhlig agus
bha pàirt mhòr aige ann an coileanadh agus foillseachadh
an Survey of the Gaelic Dialects of Scotland, 1994-7. Bha e na
Mhanaidsear air Dictionary of the Older Scottish Tongue eadar
1994 agus 2001, nuair a chaidh am pròiseact a thoirt gu
buil. |
 |
An t-Ollamh Dòmhnall Meek, Ollamh Eòlas
na h-Alba agus na Gàidhlig aig Oilthigh Dhùn Èideann.
Tha eòlas rannsachaidh aige ann an iomadach raon de dh’Eòlas
Ceiltis, agus gu sònraichte air Gàidhlig na h-Alba,
agus air litreachas agus eachdraidh na Gàidhlig. Tha e
air rannsachadh a dhèanamh air na Meadhan Aoisean, gu
sònraichte air Leabhar Deadhan Lios Mòir, aig a
bheil crìochan cànanachais le Albais; leasachadh
Gàidhlig clasaigeach na h-Alba taobh a-staigh teacsaichean
sgrìobtarail; laoidheachd; agus litreachas na Gàidhlig
anns an naodhamh linn deug 's an fhicheadamh linn. Eadar 1973
agus 1979 bha e na iar-neach-deasachaidh air pròiseict Faclair Eachdraidheil
Gàidhlig na h-Alba aig Oilthigh Ghlaschu. |
